laugardagur, september 16, 2006

Vaaahúúú......
London eftir nokkra tíma, jæks get ekki beðið er eiginlega of spennt til að fara að pakka eða í sturtu eða bara gera eitthvað af viti annað en að hanga í tölvunni og glápa á sjónvarpið. En allavega ef þið þurfið eitthvað að ná í mig um helgina þá verð ég í London að skemmta mér svo sleppið því bara og hringið eftir helgi ;o) hehe mont mont mont...
Jæja þessi leti gengur ekki best að fara gera e-ð, planið er: pakka, sofa, vakna, sturta, sækja Elínu, keyra til Keflavíkur, fljúga til London, reyna finna e-ð hótel, koma okkur til Milton Keynes, bíða, bíða, bíða, öskra, tapa mér, horfa og hlusta á yndislega Robbie Williams. Svo sjáum við bara til með restina af tímanum í London.
Góða helgi gott fólk!!!

sagði Birna at 00:00

|

{xoxo}

miðvikudagur, september 06, 2006

Nú hef ég verið í borginni í 2 vikur og tíminn bara flýgur áfram, skólinn byrjaður á fullu og fyrsta heimaverkefni komið, en ég nottla ekki byrjuð á því ákvað frekar að blogga :O) svo er ég farin að vinna á fullu á frístundarheimili fyrir Langholtsskóla, vinn á hverjum degi frá hádegi fram á 5. Og nú er líka að hefjast heilsuátak í Engihlíð 10, það virðist reyndar alltaf frestast um einn dag!!! En við erum allavega byrjaðar að undirbúa okkur fyrir það, Edda komin með kort í ræktina, ég og Elín komnar með skvass kort og svo fórum við Fía út að hlaupa í gær en mér finnst það bara svo drep leiðinlegt að ég held ég fari frekar í ræktina með Eddu. Þarf reyndar að reyna skrapa saman pening til að komast því ég eyddi mínum síðustu krónum (sem ég átti nú ekki til að byrja með) í bíl í gær!! Já ég keypti þessa líka littlu dúllu sem um leið er algjört tröll og lofar að bera mig bæði vestur og upp í fjöll. Hann er svona bara ljósgrár: http://www.bilasolur.is/bisImageServer.aspx?img=120237337&size=fullsize&watermark=bilasolur.is

Ég vona að þarna komi mynd, ef ekki þá bara verðið þið að koma í heimsókn og skoða hann. Hann hefur fengið nafnið Krútti Power og hann mun vera eini karlmaðurinn í mínu lífi, enda mikið betri en venjulegir karlmenn, hann gerir allt sem ég segi honum að gera, druslar ekki út og fer aldrei í fýlu ekki einu sinni þó ég kyssi annan strák :o)
En mig er starx farið að kvíða fyrir að skilja hann einan eftir með stúlkunum hér í Engihlíðinni meðan ég og Elín förum.............. að gera leyndó sem má ekki segja frá fyrr en allt er komið á hreint og Elín segir að við meigum monta okkur.
En jæja nú er þetta blogg orðið ansi langt og mikið rugl, ættla að fara gera eitthvað af viti.
Arna ég er til í salsa og kökur hvenær sem er ég fresta bara heilsuátakinu um einn dag :o)

sagði Birna at 10:43

|

{xoxo}